台劇《黑白清道夫》9月中喺Netflix上線，一上線就登台灣每日排行榜首，逾月之後都仲喺十大，夠勁。全劇10集，由李銘順、婁峻碩、雷嘉汭、林熙蕾、傅孟柏同庹宗華主演。
呢部劇講一個曾混江湖、而家負債纍纍又面臨中年危機嘅「黑道魯蛇」江福生（李銘順飾），因為喺賭場出千，意外捲入一個叫「清道夫」嘅神秘組織。呢班人隱身喺香火鼎盛嘅青和宮，專門幫政商權貴同黑白兩道解決啲不能公開嘅棘手麻煩。
最吸引港人嘅位，係朱栢康客串青和宮嘅「清道夫」，劇中聽得住廣東話對白。大叔配「鮮肉」、廟裏頭黑道嘅反差感十足，加上貼地台式幽默，節奏明快有追看性。
姣姐講多句：成個月都係香火爐邊開黑道會議，呢種反差真係幾搞笑。
