高海寧、周嘉洛及朱敏瀚，今日（26日）出席無綫節目《Grand住去首爾》嘅宣傳活動。現場除咗高海寧即席重演節目入面嘅陶瓷製作，周嘉洛同朱敏瀚仲要接受健身挑戰，一問一答間爆料越嚟越離譜。

佢哋share節目中同韓國藝人金鐘國一齊健身嘅經歷，話當時「趁機摸」咗對方，周嘉洛更自詡係「香港第一個同金鐘國互摸嘅人」，朱敏瀚更即席大讚對方「汗味好香」。講完仲要現場表演，喺節目上施展過嘅用口剝蝦殼絕技，博人一嘆。

姣姐講多句：三個無綫主持，去首爾拍節目，最後演變成自詡「摸金鐘國第一人」、讚汗味香、現場用嘴剝蝦殼。韓流追到呢個份上，就真係冇人同你攞得。追韓流追到幫韓國細仔聞汗味，呢個反差真係有夠勁。