又係 10 月，Google 日本 Gboard 團隊嘅年度定番整蠱企劃如期登場。呢年（2026）嘅作品，係一個由上至下、似電扶梯或者戰車履帶咁不停滾動嘅「Gboard 滾動鍵盤」。
光係睇個快速跑馬燈咁滾動嘅按鍵，人個眼都快要花晒。最離譜嘅係，呢個唔係某個腦洞大開嘅網民 DIY 作品，而係真真正正由 Google 日本團隊出嚟嘅官方概念設計。
團隊話，呢個設計嘅啟發來自工廠輸送帶嘅自動化概念，聲稱可以拋棄傳統鍵盤嘅舊觀念，令大家更有效率地打字。按佢哋嘅講法，你唔使再 Busy 兩隻手，只要喺固定位置等按鍵自己嚟敲你就得。
除咗「方便」，呢款滾動鍵盤仲有一連串「意想不到」嘅賣點：直立設計比平放喺桌上嘅傳統鍵盤更省空間；特設「高速模式」，話你動態視力異於常人，就挑戰嚇；仲有「朗讀模式」、滾動時會發出聲音，按鍵拆落嚟仲可以當樂器彈；鍵帽更用咗瓦楞紙，一搖身一變就變咗貓抓板。
姣姐講多句：呢種「大公司一本正經認真做無聊事」嘅反差，真係最好笑。佢哋一本正經同你講效率、講省空間、講挑戰，其實就係整蠳。呢個始終只係概念企劃，唔係要你真金白銀買落嚟用嘅實品，放心。
黃姣姐整合｜頂硬上
