今（25日）集《女神配對計劃2》繼續單對單「心跳電話亭」環節，郭珮文（Juliana）面對一個「幸福的煩惱」：Ice（俞鋆瑞）同 Preston（伍頌曦）毫無懸念地再次選擇佢，二人各自精心準備禮物，試圖博取女神歡心，獲得與女神進一步互動的機會。
Ice 帶上三紮代表不同寓意嘅玫瑰花浪漫登場，超大陣仗震驚現場眾人，連嘉賓雲文子師傅都忍不住當場調侃：「求婚呀？」一旁的葉蒨文也驚訝得O晒嘴。
另一邊，Preston 嘅實力絕對不容小覷。當 Juliana 打開佢準備嘅兩份禮物後，即時露出極度驚喜嘅笑容，激讚 Preston 細心：「冇諗過佢係咁瞭解我，送嘅所有嘢都非常鍾意！」
眼見勁敵 Preston 送出嘅禮物精準擊中女神嘅心，Ice 在接受採訪時坦言倍感「威脅」：「我有點緊張，看到這個禮物，我知道 Juliana 一定很喜歡，我有點擔心她可能不選我。」
姣姐講多句：呢種「電視台公開競爭」既荒誕又真實，兩位追求者喺鏡頭前各出奇招，一個搞三紮玫瑰花大陣仗，一個用心送投契禮物，女神就喺中間睇住你哋鬧，真係「幸福的煩惱」。冰都唔知點算，Preston 仲要畀佢追，呢就係港式戀人騷嘅魅力。
黃姣姐整合｜頂硬上
