《女神配對計劃2》今個星期日（4日）晚繼續播出「五角枱」約會環節。今集一眾「求愛勇者」經過一輪激烈嘅默契考驗後，有五位脱穎而出，成功贏得與女神共進主菜嘅機會。
其中吳兆麟（Alan）同丁標（李韋標）都係與女神陳若思（Amber）「心意相通」嘅勇者。正當大家都準備就座，主持 Bob（林盛斌）隨口講了一句「自己揀位坐」，話音未落，心急如焚嘅丁標即刻展現超強勝負欲，一馬衝出，秒速霸佔陳若思身邊嘅位置，進取得唔使再講。
慢了一步嘅吳兆麟唯有改坐其他位置，事後受訪仲忍唔住笑言：「佢火車頭咁衝咗過去，快過坐高鐵，估唔到佢咁狼死！」
被迫隔空望住丁標同陳若思互動同陳若思互動嘅吳兆麟，呷醋之餘亦不忘幽默自嘲：「望住丁標篤眼篤鼻，忍一陣」、「唔緊要，喺度睇佢（Amber）都唔錯！」
姣姐講多句：呢種「配對遊戲」就係咁，一個「狼死」，一個「慢半拍」，笑聲就嚟埋。丁標勝喺膽大心細、秒速出擊；吳兆麟則把「看客」角色坐得怡然自得。究竟最後配對結果會否受呢個「搶位」影響，仲要睇埋足今集先知道。
