BIGBANG成員權志龍（GD）同大聲近日喺美國紐約拍咗支YouTube片，兩人喺BIGBANG奧克蘭演唱會尾聲後一齊飛紐約，全程「夫夫感」拉滿，喺網上即刻掀起熱議。
GD喺自己嘅YouTube頻道上傳咗支片，名叫做「G-DRAGON - GD loves NYC. GD的一天」。片入面GD笑住講：「今天又要去度蜜月了，永無止境的蜜月旅行。」有問點解呢趟伴係大聲而唔係太陽（本名東永裴），GD話：「太陽是有家庭的人嘛。」大聲即刻補刀開玩笑：「聽説永裴哥是故意讓位的。」
兩人喺商務艙並排坐埋一路傾，飛咗五個鐘落紐約。落地後GD陪公司同事搭觀光遊輪，由頭到尾一直碎念：「去哪裡都一直搭遊輪，我在韓國也不搭啊」、「搭遊輪就是最沒事做的人才會做的事」。一聽到航程要一個半鐘，佢更即嘆氣。不過自由女神像一出現，GD即刻衝出去影相，秒變觀光客，反差超大。
跟日GD同大聲再一齊食飯，兩人一見面先跳段「情侶開場舞」。GD仲向大聲炫耀自己嘅美甲，提議：「今天回家幫老婆做美甲，五隻手指全包在我身上。」，大聲裝冇聽到、轉頭偷笑。兩人仲一齊舉杯「交杯酒」，GD更直接講：「我們頻道名字就叫夫夫Log，夫人Log。」
姣姐講多句：呢啲公開片入面嘅閒聊，係兩個兄弟之間嘅互懟，唔好過度解讀私人關係。但「永無止境的蜜月旅行」加埋「夫夫Log」，再配嗰個「太陽讓位」梗，確實夠料。成日喊冇時間瞓、傳説中喺紐約可以一覺三日，年長咗就只頂到一日半，呢啲碎碎唸先至係最正嘅素材。
