18歲嘅林霏兒（Faye），就係金牌司儀林盛斌（Bob）嗰個大女，近期喺自己嘅社交帳户晒咗一批生活照。相中佢身穿桃紅色低胸上衣，又喺街頭夜景下著白色低胸小背心、搭淺黃色外套，舉起「V」字手勢，盡顯活潑。佢自認係「大碼身材」，但每張相都睇得出佢對鏡頭嘅十足自信。
呢番自信操作，竟然令佢狂圈粉。網民唔單止大讚佢五官靚、性格討喜，仲熱烈為佢打氣，留言寫住：「我好鍾意妳個人性格，唔需要理會別人，做自己喜歡的事。只要不是壞事！」，有人更用英文大讚「beautiful girl」「you are the cutesttt!!」。佢早前接咗單內衣 KOL 推廣工作，憑住率真形象令網民改觀，留言一面倒係正評。
林霏兒嘅演藝路亦係按步就班。佢已獲香港演藝學院戲劇學院基礎文憑課程取錄，目標係讀完一年後銜接學士；佢夢想係演出英語音樂劇，早前其實攞過外國知名大學嘅獎學金，但最後揀咗留港打好根基。
「姣姐講多句」：一個18歲成年女孩，有權自主決定點樣呈現自己嘅身體，呢個係基本嘅身體自主。社會一直用一套「瘦＝美」嘅單一尺碼衡量女性身材，大碼女孩要贏得多少正面反饋，往往要加倍努力先至得到。林霏兒呢份敢於喺鏡頭前做真實自己嘅坦率，正正係最難得嘅地方。
最後，做爸嘅Bob都係全程全力護航，佢日前受訪表示，無論女兒將來想留喺演藝圈發展，定係返去海外深造，自己都會無條件喺身後全力支持。
