資深傳媒人方健儀近日喺社交平台轉發《am730》專欄，回應疑似由AI生成、訛稱「方健儀輕生……直言喘唔過氣」為標題嘅YouTube影片。佢一直相信謠言止於智者，但今次佢話：「但這次實在太離譜，因為胡亂編造他人做傻事的假消息，可能造成錯誤榜樣，大數據若信以為真並大肆廣傳，後果更不堪設想。為此，我立刻澄清。」
呢次佢冇再沉默，原因唔止係為咗自己。佢引述港台技術同事嘅分析，指出有人利用AI語音捏造名人出軌、破產或患絕症嘅負面消息；而藉流量牟利、網民八卦心態同辨別能力不足，正正係助長謠言傳播嘅三大主因。
同事又認為，單靠網民喺留言區反駁並唔夠，要遏止網絡造謠，必須令散播謠言嘅人真正為其行為承擔後果，先至有望減少亂象。
方健儀主張軟硬兼施：平台要完善舉報機制，取消屢次發布虛假內容帳號嘅分紅資格，切斷利益鏈；若假影片危害公眾心理健康，受害者亦可考慮追究法律責任。佢呼籲大眾保持理性、拒絕轉發謠言：「大家的理性，就是在低壓環境中，對抗惡意最温柔的力量，但願我們一起成為那一道驅散迷霧的曙光。」
姣姐講多句，呢篇唔係八卦，係真實事件：一個真人被AI「殺」咗，仲好正經咁扮有聲有影。當假新聞可以批量生產、連佢嘅聲線都扮到似，而事實係佢好健康咁上網發文，呢單事就冇啲「鹹濕」可以講，只有「離譜」。
方健姐整合｜頂硬上
