ERROR成員梁業（肥仔）同郭嘉駿（193）10日喺機場出席《西加航空 T2 跳島遊》活動，同現場近百名粉絲分享旅遊趣聞經歷。

傾住傾住就講到工作，肥仔話同黎明合作新歌，用「成就解鎖」形容。同為ERROR班底嘅193就話自資出歌，公司未支援，要靠自己的力量頂住。

姣姐講多句：「成就解鎖」呢四個字聽落幾得意，肥仔同黎明合作係「成就解鎖」，193自資出歌就係「自己解鎖」，同「頂硬上」嘅讀者一樣，解鎖解鎖就係生活。