曾拍過無綫節目《3日2夜》及《學是學非》嘅陳詩欣（Eunice），2021年嫁俾圈外男友陳爾正之後就淡出幕前，去年誕下囝囝 Baby Liam，而家1歲多。

昨日陳詩欣喺社交平台貼出同老公慶祝拍拖8週年嘅靚相，但自爆「冇諗過喺紀念日竟然會返屋企嘈交」。佢喺貼文寫：「拍咗咁多年拖，總以為我哋相處早已經冇任何摩擦，但走過八年先明白，真正成熟嘅關係，其實係一種『安全嘅放肆』。」

姣姐講多句 好多人以為拍拖越久越「夾到實」，結果紀念日反而吵到最攰，聽落似笑話，但「安全嘅放肆」四個字其實講中核心：真正放心嘅關係，就係你知對方唔會走、你唔怕講錯話，先敢放肆。8年都無走，呢個就係答案。