20歲、身高173厘米、原籍四川達州、現居深圳——呢份看似普通嘅個人資料，竟然同時屬於兩個完全唔認識嘅女仔。日前，其中一位妹妹嘅哥哥喺刷抖音時，系統向他推送咗一位女生嘅生活片段，覺得眼熟就轉發畀妹妹。妹妹點開入面女仔嘅五官、神態、牙齒咬合以至身形骨架同自己幾乎無異，她形容「儼如見到另1個自己」。
妹妹決定主動私訊片中人，越對越啱：都係20歲、都係173厘米、都係四川達州原藉、都喺深圳生活工作。再深一層，就係20年前嘅抱養細節。姐姐自幼知道自己係被抱養，妹妹就對自己身世毫不知情，向家人求證後先知道自己有個雙胞胎姐姐，自小被送予他人撫養。
雙方家庭核實咗20年前嘅抱養細節後，確認2人係失散多年嘅親姐妹。2人相約喺深圳見面，巧的是，當日凌晨首次見面時，恰逢佢哋嘅20歲生日。20年未見嘅姐妹倆當日攜手逛街、影紀念合照，並同雙方家庭做視像通話。
資料圖片：Pixabay
目前兩人嘅真正關係仲要等法律同醫學層面嘅判定，已進行DNA親子鑑定，以確認係咪同卵雙胞胎，但雙方家屬均認定兩人係姐妹無異。
以往尋親多靠登報、貼尋人啟事或者四出打聽，過程動輒數年甚至十幾年。近年社交平台興起、短影片平台加入人臉辨識及演算法，配合公安部DNA血樣資料庫比對，形成全新嘅數碼尋親模式，令尋親機會率上升。
姣姐講多句：以前尋親要登報、貼啟事、打聽十幾年，依家靠演算法「推送」幫你揾返個姐姐，仲選得喺你生日。科技呢種時候真係好暖，好過成日推你睇啲無聊嘢。
黃姣姐整合｜頂硬上
