孔令政執導、古天樂、任達華、張兆輝同內地演員此沙、盧慧民主演嘅《偵戰》，10月1日國慶日喺內地率先上映，原定10月8日香港開畫。片方10月5日（前日）於官方微博專頁突發文，稱「為尊重創作初心，讓作品能夠在更適配、更從容的市場氛圍中與觀眾見面，經各方慎重研討，決定調整上映計劃」，正式取消本輪公映檔期，「後續將擇期重啟公映」。

即頭兩日先，10月5日晚，主演此沙、盧慧敏、任達華、張兆輝仲喺首映禮紅氈亮相，古天樂仲預先拍咗短片，話唔能到場好抱歉，籲大家支持呢部戲。首映禮排場足，轉眼上映第5日就畀「調整」埋。

片方聲明全冇講明究竟係咪審查，只係用「更適配、更從容的市場氛圍」這種官腔交代；任達華稱尊重片商決定，此沙話自己已盡演員責任。

姣姐講多句

「調整上映計劃」呢個詞，冇邊個片商係真心想「調整」自己嘅票房檔期，又冇嗰日開完首映禮轉眼就「重啟」嘅。話你知「尊重創作初心」，結果係冇觀眾見到；話「更從容的市場氛圍」，即頭定嗰日仲開緊首映禮。呢個唔係撤檔，係換咗個包裝嘅審查，連個名都唔配叫。