成人題材｜18+

「暗黑前田敦子」琥珀歌（琥珀うた），當年因神似AKB48成員前田敦子而紅極一時，甜美樣兼大膽作風喺成人界人氣爆炸。點知2014年正值事業巖峰，佢忽然冇聲冇息消失，只係由經紀公司發文代為宣佈引退，粉絲一片錯愕。事隔12年，佢近日接受日媒《週刊 SPA!》專訪，首度揭開當年的真相。

根據專訪，引退前夕她早已同男友訂婚，對方知道佢嘅職業但始終難以接受。就喺引退之前，她接咗一部保密條款極嚴格的「大作」，無法如實向對方報備行程。誰料未婚夫竟喺佢身上私下安裝GPS定位，查覺後發狂傳訊質問，更揚言要衝去現場。為防止有人闖入片場鬧大，她萬般無奈，只能搭計程車臨陣逃跑。

正因為無故「曠工失蹤」，經紀公司大發雷霆，直接代佢宣佈「琥珀歌引退」，令佢有口難言。而更令人髮指的是，引退之後，未婚夫竟將她軟禁於家，嚴格限制行動範圍，不准離開東京新宿區，令佢一度暴瘦。佢自己都承認，有次難得出去逛DVD店，竟被店長認出，對方一臉震驚問：「妳沒事吧？我還以為妳吸毒被抓去關了！」

談及近況，琥珀歌表示早已脱離那段陰霾，現已喺朋友公司做普通上班族，生活自由而充實。被問起有否考慮重返成人界，佢搖搖頭坦言：「我覺得現在應該已經沒有市場需求了，現在能自由做想做的事，很享受這種生活。」

阿頂有嘢講：一睇就係典型嘅控制型關係（controlling relationship），用定位追蹤、限制活動範圍、孤立受害者，呢啲係家暴及情感虐待嘅常見手法，唔係乜「男朋友鬧脾氣」。呢單案令人振奮嘅，係佢最終逃出來、揾返自己。12年嘅「失蹤」，原來唔係什麼神隱，而係一場驚濤洶湧嘅逃離。

阿頂整合｜頂硬上