今年2月，康堤被揭與黃澤林低調交往，4月佢首度公開認愛，不時喺社交平台放閃，仲曾透露感情生活開心。惟9月底兩人傳情變，有網民發現康堤再冇現身黃澤林嘅比賽，雙方社交平台仲互相取消關注。
黃澤林後來喺網上直播承認與康堤分手，聲稱而家「專注打波」。而康堤喺商台户外直播節目受訪時，證實雙方已經分手：「我哋分咗手，情緒都會有啲低落。」
資料圖片：Pixabay
但「專注打波」呢句聲明，似乎只係短暫生效。小紅書有網民喺球場拍到你黃澤林喺譚旻萱（Mandy）面上輕輕一啖，譚旻萱隨即甜笑。網民見「無縫接軌」，留言不留情：「我的媽呀！無縫接軌呀！」「不愧是香港網球一哥」「還以為以事業為重」！
向來有「籃球女神」之稱嘅譚旻萱，憑177cm身高殺入演藝界。2023年佢曾被拍到與導演男友Christopher一齊睇騷，大方認愛：「向來都好樂意同大家分享我嘅生活……」。三年之後，男友已經由導演變成網球手。
姣姐講多句：黃澤林話「專注打波」，但球場上面嘅表現，明顯比球速快咗幾拍。返工話專心做嘢，結果工時餘下全部用來換畫，呢種「雙重標準」，大家見慣，但見到網球一哥身上，仲係會笑到頂。
