中國朱雀二號E火箭殘骸9米大塊掉入印尼油棕園

印尼中加里曼丹省桑皮特鎮（Sampit）18日夜晚，偏遠地區居民收工行屋企，忽然聽見一陣巨響。翌日（19日）朝早，當地 PT Agro Bukit 棕櫚油公司 51 歲工人瓦迪（Wardi Tamroni）行開就發現成塊鋁板喺度，「它就喺嗰度，一開始我仲以為可能係飛機殘骸。」

當地警長話，呢塊物體「尺寸達 9 米，形狀不規則，有明顯灼燒痕跡」，距瓦迪所任職嘅公司住宅區約 3 公里。瓦迪補充：「我哋通常都會喺呢個區域活動。幸而當時工人都已經返屋企，種植園內冇人。」民航發言人扎克魯丁（Zachrudien）交代，事件無傷人、無財產損失，殘骸亦無輻射或毒害風險。

中國「送」落嚟嘅貨

印尼國家研究與創新院（National Research and Innovation Agency）研究員湯瑪斯（Thomas Djamaluddin）喺聲明中表示，太空飛行器重返地球大氣層時，唔係所有零組件都會燃燒殆盡，「一些較耐熱的結構有可能墜落地表」。佢補充，呢個係桑皮特鎮發現大塊金屬碎片「嘅一種可能解釋」。

點解會懷疑係中國火箭？中國政府上週交代，一枚「朱雀二號E」（Zhuque-2E）火箭喺該國西北部商業發射場，將 10 顆衞星送入太空。