昨晚（21 日）TVB 台慶劇《璀璨之城》播出的一集，最惹眼嘅就係蔡一智首度登場，一開波就成咗今集 MVP。
佢飾演官家千金官詩雅 Celia（蔣家旻飾）老公嘅大哥湯信義，澳洲出獄返港，官家特開洗塵宴。蔡一智一開口就句句有骨，寸爆飯堂冇質素，再當眾教訓細佬周志康「冇想法、冇出息」，又叫佢唔使畀面官家。結果張智霖坐喺對面出手教訓，蔡一智怒爆掟餐巾拂袖離座，一身紫色西裝仲有型有款，網民睷到笑：「點解掟毛巾可以掟到咁型？」
原來今次係張智霖親自出馬請蔡一智演出，仲自稱係自己嘅褓姆同戲劇指導，想確保好朋友演出到位。蔡一智笑言：「我哋咁多年朋友真係太熟，初時演敵對好唔慣。但 Chilam 好好，佢一有時間就會同我對稿、提點我，幫我快啲入戲。」
呢種反差不止佢哋先有。鄭子誠飾演「表叔管家」方易安，以極穩重忠厚、冇大表情嘅形象亮相，但角色見風使舵、欠缺絕對忠誠，變相增添 Big Boss 嫌疑。佢自己形容角色係「深藏不露」：「我表面上係一個官家，但其實我一切都看在眼裏又一切都聽在耳裏，所以演繹要保持沉實。」唯一想爭取嘅係加副眼鏡，但因為姜大衞戴、又成日有對手戲，最後被監製拒絕。
《璀璨之城》今晚（22 日）播第 10 集，網民已經開始盤點「大 Boss」嫌疑人，呼聲最高就係方易安同即將現身嘅龔慈恩。
黃姣姐整合｜頂硬上
