飛過太空，冇見過UFO，結論係聖經
現年91歲嘅美國前NASA太空人杜克（Charles Duke），1972年阿波羅16號登月任務嘅登月艙飛行員，亦有份阿波羅11號嘅地面通訊。佢近日接受基督教廣播網（Christian Broadcasting Network）訪問，就自己多年嚟對外星生命嘅懷疑，話畀世界知。
佢嘅結論簡單直接：外星人唔友善，係「惡魔偽裝嘅天使」，引《聖經》〈哥林多後書〉11:14「因為連撒但也裝作光明的天使」。佢話，呢個判斷一直有人笑佢，直到佢禱告希望上帝俾一個徵兆，一個一直對UFO話題冇興趣嘅朋友，隔日主動揾佢傾UFO——佢話呢個就係上帝嘅確認。
冇親眼見過，但話係「上帝向我顯明」
杜克坦言自己喺太空任務期間「並冇親身接觸過外星物種或UFO」，話自己嘅看法係「基於個人信仰與經驗，非經科學研究證實」。換句人話，飛咗嗰多年、睇過地球好多人，最後落腳點係《聖經》。
呢種將UFO同超自然力量掛鈎嘅講法，喺美國政壇並非常態。佛羅里達州共和黨眾議員盧納（Anna Paulina Luna）喺社交平台發過《聖經》〈以西結書〉「輪天使」（Ophanim）圖片，被解讀為暗示外星生物同輪天使有關係。美國副總統萬斯（JD Vance）今年3月接受保守派播客訪問時，亦話唔認為UAP係外星人，認為「可能與惡魔有關」。
硬蕉抽兩句
一個飛過月球嘅人，最後結論係撒但。呢個落差本身就係笑位，係佢嘅權利，無需評論信仰。值得留意嘅係，呢種講法喺美國政壇出現嘅頻率同層次——已經唔止太空人，已經係副總統喺播客開場白嘅事。UFO研究係科學，呢個係神學，兩條線，唔好搞錯。
