「天下一幕」第二部舞台劇《Rabbit Hole》（心渦）定喺明年1月8日喺藝術中心壽臣劇院公演，由張銘耀執導，張繼聰、韋羅莎、余安安、譚旻萱、羅文澤等主演。
距離開波仲有幾個月，但導演同一班演員已經搞咗兩次圍讀研習，每次約兩小時，完事後大家再一齊檢討同分享。呢套戲係根據普立茲獎劇本改編，講一對失去兒子嘅夫婦點樣面對喪子之痛。
圍讀現場原來幾感人。張繼聰同韋羅莎喺戲中飾演嗰對喪子夫婦，因為角色情感觸及內心深處，讀到動情處泣不成聲，甚至哭成淚人。
佢哋都係做_PARENT_，呢種觸碰人父人母最痛神經嘅題材，份外投入。張繼聰有兩個仔女，韋羅莎有一個，圍讀後都要自我調節情緒。
張繼聰自爆自己靠揸車時望太陽同四周景物抽離，話開車時唔可以再沉浸在戲劇情緒入面。韋羅莎則有自己嘅妙法——食甜品平復心情，話「吃點甜食來調整狀態，避免長期沉溺其中。雖然題材沉重，但這也是一個有趣的挑戰。」
除咗題材沉重，呢個劇本喺演技上亦係高難度挑戰。張繼聰指對白要好似日常聊天咁自然，節奏又緊湊、台詞瑣碎，講兩句就要打斷對方，如果忘記咗喺邊度打斷就會出大錯。
姣姐講多句： 演員入角色入到哭斷腸，係專業，亦係對觀眾嘅尊重。圍讀都已經搞到呢樣，正式公演絕對值得睇。
