成人題材｜18+
《璀璨之城》日前喺商場舉宣傳活動，主角陳瀅成為傳媒焦點。早前劇中一幕除衫戲引爆輿論——劇情講到她為幫好姊妹陳曉華（角色）復仇，脱光並「腿張開」讓張智霖飾演的官孝賢影裸照，尺度令部分觀眾譁然，通訊事務管理局接獲25宗投訴。今日陳瀅受訪，正正講到呢件事。
早前梁靖琪（Toby）喺網台節目大爆「聽聞有導演猛咁俾人睇」陳瀅全裸片，陳瀅當時有點尷尬、做出抹汗動作。今日她解釋當時冇聽清楚 Toby 講乜，並表態：「其實唔可以咁樣傳，犯法㗎！未播之前係唔可以做呢件事，如果真係咁兒戲，唔淨止我哋有睇過，其他人一定有睇過，所以冇發生過。」
對於劇集被指「大灑鹽花」、賣弄色情，陳瀅明確否認：「我都唔認同，我覺得呢套劇係反映人性，唔係淨係開心嗰面，有好多差嘅一面。」她亦不希望大家將焦點收窄於女演員着緊乜服裝，「成段戲的而且確好難演，情緒亦都好複雜。」
最關鍵係她透露，監製就畫面呈現徵詢過自己同意：「監製絕對有俾我 approve 咗先，佢話『阿瀅，到時會係咁樣，你 OK 嗎？你舒服嗎？』我話 OK。」有無任何人曾游説她加大尺度？陳瀅思考逾10秒，表示除咗同「美儀姐」拍嘅一段爭執戲有討論點樣拍，冇其他。
Chilam 曾講「以為除衫就完」，陳瀅相信對方講笑：「佢點會唔知！我收劇本嗰陣，睇咗大概要拍啲咩，所以佢一定知道，可能搞嚇 gag 啫。」
有觀眾放大其中一幕，發現背影內褲兩次出現有分別，質疑有 AI 或替身。陳瀅直認：「的而且確係，我知道網上版同電視版有少少唔一樣，觀眾要自己留意。」
姣姐講多句：陳瀅「犯法㗎」三個字講得清楚。片花未播就流出，涉及嘅係影像未經同意流傳，唔係「劇透」咁簡單。而監製逐幀徵詢同意呢個流程，坦白講，喺港劇製作機制入面並唔常見，值得留意。尺度唔係問題，同意先係。
《璀璨之城》繼續播出中。
