鍾培生昨日（30日）應邀到灣仔出席「SPOOKY Halloween 2026」，現場立住一個大大嘅《進擊的巨人》裝置，佢自己卻冇cosplay任何角色，以一身smart casual上陣。
問到點解唔趁個 occasion 重演佢求婚嗰陣嘅 cosplay 打扮，佢笑言係未收工就趕過嚟，希望下次有機會 cos 俾大家睇。佢又話香港好缺乏娛樂，所以收到朋友邀請就立即應承及支持。
最搞嘅係問到佢嘅拳賽準備點樣，佢話「相信係繼我打之後，香港有史以來最好睇嘅拳賽！」——仲未打就先自封係全港最頂。
早前不少網民關注佢創辦嘅 HKTGC 有冇日版「Pokémon（寶可夢）30週年原盒卡包 M6A」俾已訂購嘅顧客，加上去到 10 月尾，不少網民不停指佢只會出片不出貨。佢回應：「全部貨到齊，亦都叫晒大家嚟攞！」
姣姐講多句：一個未打嘅拳手，喺萬聖節上頭自評自己嘅拳賽係「全港最好睇」，呢個信心同場外那個大巨人一樣，都係「好大」嘅嘢。
黃姣姐整合｜頂硬上
