陳蕾開咗全新音樂企劃，繼首波主打《人類愛情學》之後，近日推出第二首全新作品《翻風》，由樂隊 Pandora 作曲及編曲、鍾説填詞、Pandora 同舒文共同監製。

MV 繼續請返老友 Gigi（張蔓姿）操刀執導，畫風上山下海，睇落似足「理想退休生活」。首歌嘅靈感來自陳蕾同鍾説嘅「浪漫共識」，描繪一個「分了手，卻極度瀟灑」嘅人，享受單身自由同世界嘅美好。

姣姐講多句： 分咗手仲要唱到咁瀟灑，呢種心態先至係真係「翻風」。單身自由係好嘢，不過呢首唱完，你係會想「享受單身」定係想「再翻風一次」？