成人題材｜18+
TVB台慶劇《璀璨之城》本週五（11月6日）將播出大結局，劇情推進至失控邊緣，Alice（高海寧飾）同Kate（張曦雯飾）兩妯娌同Sarah（陳瀅飾）分別被官家人逼到頂。3日播嘅預告率先曝光，半裸張曦雯站在張智霖面前，仲有一幕佢隔住浴室玻璃、赤裸面對鏡頭崩潰落淚，用淚水同水花交織出角色嘅委屈同痛苦。
最惹注意，係張曦雯呢場同張智霖上演、長達7分鐘、大尺度除剩底褲嘅肉搏羞辱重頭戲，被指要一鏡到底（One Take）完成，佢要半裸上身、只穿底褲貼身肉搏，期間仲被對方扯頭髮。佢透露最初劇本只要求穿內衣，冇諗到監製陳維冠臨場加碼，要挑戰超高難度嘅一鏡到底大露背鏡頭。
拍攝當日鬧出極大風波，有傳陳維冠臨場要求將內衣戲改成「除剩底褲」大露背，張曦雯一度強烈拒拍，現場因此停工，其後劇組因改劇本停工近3個月。復拍期間，張智霖太太袁詠儀來探班，同江美儀、張曦雯等聚餐；席間江美儀耐心剖析角色，袁詠儀更承諾拍攝當日親自到場「監場」清場確保私隱，張曦雯終於衝破心理防線，翌日主動向監製答應親身上陣。
張曦雯就表示，收到劇本後覺得尺度好大、抗拒演出，但強調停拍係因為佢同吳卓羲嘅角色同劇情有大幅修改，同自己唔肯演無關。佢更話：「呢場戲其實和除唔除衫無關，是關於情緒上的推進，7分鐘5頁紙對白，cut shot拍和一鏡直落係完全唔同，一鏡直落要做好多準備，各方面都要配合得好好，排都排幾個鐘，正式拍嗰陣都拍咗幾個鐘。」佢又強調拍裸戲冇被施壓，同「唔輸得」無關。陳維冠則否認加戲，稱尺度由頭到尾無變，只係後來覺得一鏡到底震撼性更高。
姣姐講多句：7分鐘唔好切、要一鏡直落、仲要崩潰爆喊——呢個難度已經唔係「大尺度」，係「大演技」。一鏡到底唔好切，錯唔到，演錯個鏡頭就全費事，呢單嘢唔係着多着少，係要頂住一氣嚟。佢自己都講「睇劇情接唔接受到」，冇將自己包裝成受害者，亦冇硬撐話冇難度，呢個態度就幾爽快。大結局週五出爐，睇住就成。
黃姣姐整合｜頂硬上
