事發於今年5月26日晚。內地女子田女士與相戀4年嘅丈夫結婚擺喜宴，喜宴上親友舉杯祝福嘅歡笑聲尚有餘温，當晚新郎喺宴會後開車送朋友去高鐵站，途中喺距車站不足1公里處發生嚴重車禍，新郎重傷命危被緊急送入深切治療部，醫院多次下達病危通知書。
同一次車禍，車上友人出現內臟出血，經治療後康復出院；但新郎傷勢極重，在留醫期間體重由原本嘅85公斤急劇下降至約65公斤，情況一度極為危殆。
正當丈夫命懸一線之際，田女士突然發現自己懷有身孕。她一邊日夜貼身照顧丈夫，一邊為保住腹中胎兒，選擇了宮頸環紮手術保胎。由於老爺奶奶（公婆）年邁、照料多有不便，全部貼身護理基本由她一個人扛起。
丈夫在深切治療部與死神搏鬥近1個月後，情況終轉趨穩定，轉入普通病房。惟車禍帶來嚴重神經損傷，導致他一側手臂失去知覺，無法自主活動。截至目前，這對新婚夫婦已自行承擔各項醫療與復康費用約40萬人民幣（約47.1萬港元）。
田女士目前已步入懷孕晚期，挺着孕肚在病榻前穿梭照料。面對眼前一切，她無豪言壯語，只期盼丈夫能逐漸康復、能自理生活，「以後2個人一起開1家小店，平平淡淡把日子過下去」。婚禮上嘅「無論疾病健康，不離不棄」，田女士正在真實生活中默默兑現。
姣姐講多句：呢種「不離不棄」唔係講口上，係真真正正用行動、用孕肚、用血汗換嚟嘅。開小店係佢哋心底入面嘅期盼，唔係已經落實嘅安排，寫字要精準，愛都要精準。
