由日本漫畫家鳥山明嘅工作室兼自宅「BIRD STUDIO」，最近驚傳要拆嘅消息，喺全球動漫社群掀起一波熱議。呢個黃色建築，正係喺愛知縣清須市、由鳥山明於數十年前設立，亦係《七龍珠》、《怪博士與機器娃娃》等經典作品嘅「誕生地」。
呢個消息一傳出，全球粉絲馬上沸騰，紛紛將工地照片傳到社交平台。工地外公告寫明工程名稱為「鳥山BIRD STUDIO拆除工程」，有日本網友推測，或因為高額遺產税，令家屬不得不作出呢個決定。
不過，呢個消息對於一直視「BIRD STUDIO」為朝聖之地嘅粉絲嚟講，實在難過。自2024年鳥山明離世後，朝聖熱潮一浪接一浪，更有多位粉絲希望清須市能盡力保存，甚至改建為鳥山明紀念館，讓後世能緬懷老師嘅創作歷程。
「BIRD STUDIO」並非只有回憶，更係一個有實體嘅文化地標。粉絲們指出，目前尚無任何地方能系統性地展示鳥山明嘅手稿或原畫，若工作室一拆，呢份珍貴嘅創作歷史便真係要無影喇。
有網友更批評清須市，認為其未能充分認識在地文化資源嘅價值，令一座重要嘅動漫聖地瀕臨消失。
姣姐講多句：動漫文化嘅發展，靠嘅係這些具象嘅「聖地」作為精神寄託。一個地方嘅文化傳承，唔應該只靠幾張網絡相片。如果連創作人嘅工作室都無法保留，咁文化保護嘅訴求，又係幾斤幾兩？
黃姣姐整合｜頂硬上
