現年 24 歲嘅美國新生代歌手 Billie Eilish 近日喺社交平台分享近照，身形明顯瘦咗幾圈，上圍亦肉眼可見縮細咗，隨即喺網絡引起一大波討論。
初出道時 Billie 成日著 oversize 遮掩身材，近年卻頻頻以性感造型亮相、大曬身材，因此今次身形變化特別惹眼。有大批網民將佢過往出席 Met Gala 嘅性感照同近照擺埋一齊比較，認為視覺差異極大，傳言佢秘密做了「縮胸手術」。
圖片：AtticBrat／CC BY-SA 4.0／Wikimedia Commons
不過呢個傳言同佢一貫講法對唔上。Billie 過去曾公開表示自己由 9 歲起胸部就比較大，穿同一件背心卻常被人過度審視甚至蕩婦羞辱（slut shame），但佢同時明確講明自己「沒有打算接受醫美或任何手術改變自己的外貌」。
傳聞出現後，大批粉絲隨即護航，指 Billie 最近因為參演改編自文學經典《瓶中美人》（The Bell Jar）同名電影，挑戰復古形象而刻意減磅。有女粉絲更指出，女士嘅身材會因應內衣款式及衣服版型而改變視覺效果，根本冇證據證明佢有做過手術。
講到呢度，姣姐講多句：網民成日由幾張照就推斷到「佢去做咗手術」，呢種由衣着推斷行為嘅邏輯，本身已經係對藝人最大嘅不尊重。佢做唔做醫美、減幾多磅，係佢私人嘅決定，我哋當看客最該做到嘅係尊重，唔係喺評論區用兩張照做偵探。
