10月13日，YouTube 節目《Salon Drip 2》播出由張度練主持嘅一集，ATEEZ 成員崔傘（SAN）同友榮上埸傾近況。崔傘率先正視米蘭戀愛傳聞，就佢同一名女性被拍到同框嘅照片，佢指：「當時同一位相關人士去買手機殼，結果俾人跟蹤拍照。」佢又無奈話：「大概因為而家變更紅，身邊人都話係咁嘅道理。」所屬經紀公司 KQ 娛樂亦出面澄清，指對方係品牌相關人士，兩人當時正去購買所需物品，當地保鑣同經紀人都一同隨行。
呢集最搞笑嘅位係友榮爆料：自己曾經想親好兄弟崔傘。崔傘笑住回應：「我即刻朝佢嚟了一記上鈎拳。」現場笑聲不斷，一集播出17小時累積已突破109萬觀看人次。
節目開頭搶先看仲有張度練問友榮：如果女友或老婆要求佢哋清掉友情刺青，點辦？友榮果斷話：「咁就唔見面。」話完即話清，兄弟情大過天，嗰隻友榮同崔傘嘅友情刺青，安全。
姣姐講多句：兄弟之間要係咁，想親就親，唔好等佢先出招。但都係，一記上鈎拳，好，有原則。
黃姣姐整合｜頂硬上
