臨近萬聖節，《愛·回家之三代同糖》一眾演員喺將軍澳街頭搞快閃，車婉婉一身「萬貴妃」Look、樊亦敏同歐瑞偉扮嫦娥玉兔，配上其他演員各樣造型，現場上演「搞笑小劇場」，同沿途路人粉絲互動，順便推介埋劇集最新劇情，吸引大批圍觀，場面熱鬧。
樊亦敏同歐瑞偉喺昨晚一集正式「回家」登場，兩人現場分享返屋企嘅感受，眾演員仲預告咗未來幾集嘅精彩場面，令粉絲相當期待。
今次現身嘅班底仲有李偉健、李茵彤、何依婷、侯雋熙、趙浚承、徐榮、容天佑、關曜儁，加上監製羅永賢、編審馬俊縋同執行監製謝浩洋、潘逸豪一齊出席。
姣姐講多句：TVB 快閃宣傳搞咗幾十年，通常都係影幾張劇照就得，今年班底肯萬聖節變裝，又搞到車婉婉真係「萬貴妃」上身，後宮女官行埋到將軍澳街頭搞快閃，呢個算係年度港娛一記大反差。
黃姣姐整合｜頂硬上
