性愛完，有人鍾意放個香爐、有人鐘意聽歌，但有一對情侶，竟想將「那話兒」原封不動擺喺體內過夜——仲真係試咗，試到半夜一個翻身，即刻翻車。呢件嘢，真係唔試都知會出事。
台灣台中李綜合醫院泌尿科副主任黃品叡，近日喺社群平台發出一道「深夜警告」影片，專門點評呢種做法。黃醫師透露，曾喺急診值班時接治過一對情侶：男方以冰袋敷喺下體掛急診，脱褲後只見那話兒腫得似隻紫黑色茄子，仲歪向一側，最後確診為「陰莖骨折」。
最離譜嘅係，黃醫師最初以為係愛愛時角度唔啱撞傷，問咗先知：原來係事後突發奇想，留喺體內「過夜」，半夜女方一個翻身，即告折斷。
黃醫師解釋，好多人以為瞓覺時應已「歸隊」，但事實係男性睡眠時仍可能自然「起床」，加上夜間可能「漏氣」，若喺勃起狀態被翻身擠壓，骨折風險極高。除此之外仲有兩大風險：其一是那話兒表面帶菌，整晚「入駐」，翌日女方可能下體瘙癢、引致泌尿道感染；其二是半夜勃起或遺精，或令女方喺完全冇準備嘅情況下懷孕。
黃醫師最後送上一句公道話：女方身裡「有東東」，根本瞓唔好。同時籲喻雙方事後即清洗、分離，唔好將A片嘅虛構情節硬套進現實。
姣姐講多句：A片睇得過癮，但唔可以當成生活手冊。呢招「過夜套餐」，真係唔試都知會出事。
（成人題材｜18+）
