韓國新人女團 A2O LITE 的中國成員 Aijing，近日喺一次團體合照時嘅表現引起網上爭議，有網民指她態度惡劣，甚至被指推搡隊友 Ayune，意圖爭奪中間嘅 C位。
事發喺一段音樂節目開播前嘅拍照環節。網傳影片顯示，團員們排成一排面對鏡頭擺姿勢，而 Aijing 擺 pose 時雙臂向兩側伸展，部分遮擋住身邊嘅 Ayune，引起部分網民不滿。
有網民認為，現場空間有限，Aijing 應該顧及其他成員嘅曝光度；亦有指她根本無需要同時伸展雙臂，就不會影到旁邊隊友。
有網民則指，由兩人互動可見 Aijing 喺拍照過程推搡 Ayune，似乎冇顧及隊友感受。不過亦有聲音提醒，單憑一段片段並不能代表真實情況，Aijing 嘅舉動有可能只係無心之舉。
除咗拍照事件，Aijing 早前已因家庭背景被聚焦：她父母經營嘅一間北京教育公司被指拖欠前員工工資，有前員工指控由 2024年起冇按時入糧，令事件更加受關注。
A2O LITE 成員年齡偏幼，Aijing 今年 13歲，此前同團 13歲成員 OA 曾因為穿著引爭議，今次再成焦點。
姣姐講多句：C位係每個女團成員都想要嘅位置，不過拍照嗰一刻係最易露毛病的時刻。想搶戲唔代表可以影住人頭，想爭 C位最好係靠實力而非靠「雙臂張張張」，否則一個 pose 就成咗全网笑柄。
黃姣姐整合｜頂硬上
